IFTTT என்றால் என்ன?

இன்றைய இணையமானது வெறும் தகவல்களை தருவதுடன் மாத்திரம் நின்று விடாது ஒவ்வொரு தனி மனிதனதும் நிறுவனங்களினதும் ஒரு அங்கமாக திகழும் வகையில் இணையத்தினூடாக பலவேறு சேவைகள் வழங்கப்பட்டு வருகின்றது.

அந்தவகையில் ஒவ்வொருவரும் தமது எண்ணங்கள், கருத்துக்கள், உணர்வுகளை பகிர்ந்துகொள்வதற்காக முகநூல் (Facebook), கூகுள் பிளஸ், டுவிட்டர் என பல ஏராளமான சமூக வலைதளங்களும் அவரவர் ஆயுள் முழுவதும் தத்தமது ஆவணங்கள், புகைப்படங்கள், காணொளிகள் போன்ற கோப்புக்களை பாதுகாப்பாக சேமித்துக்கொ ள்வதற்கு Drop box , Ondrive, Google Drive, Mega, Mediafire போன்ற இன்னும் இணையத்தினூடாக வழங்கப்படும் ஏராளமான சேவைகளைப் போன்று ஒவ்வொரு தனி மனிதனும் நிறுவனமும் வெவ்வேறுபட்ட தேவைகளை நிறைவேற்றிக்கொ டுக்க இன்று இணையத்தினூடான பல்வேறு சேவைகள் உருப்பெற்றுள்ளது.

இவ்வாறு வெவேறுபட்ட இணையத்தினூடான சேவைகளை ஒன்றுடன் ஒன்று இணைத்துப்ப யன்பெறக்கூடிய வகையில் ஒரு உன்னதமான பணியினை செய்யக்கூடியதே IFTTT எனும் தளம் வழங்கும் சேவையாகும்.

IFTTT என்றால் என்ன?

"IF THIS THEN THAT" என்பதன் சுருக்கமே IFTTT என்பதாகும். இதற்கு தமிழில் "இது நடந்தால் இதனை செய்யவும்" என பொருள் கொள்ளலாம். உதாரணமாக முகநூல் கணக்கை வைத்துள்ள நீங்கள் Drop Box சேவையையும் பயன்படுத்துபவர் எனின் முகநூலில் நீங்கள் ஒரு புகைப்படத்தில் Tag செய்யப்படும்போ து நாம் IFTTT தளத்தில் உருவாக்கும் கட்டளைகள் மூலம் அந்த புகைப்படத்தை தானாகவே Drop box இல்சே மிக்கும் செயற்பாட்டினை செய்கிறது IFTTT எனும் சேவை.

இதற்கு நாம் IFTTT தளத்தில் எமக்கென்று ஒரு கணக்கை உருவாக்கி உள்நுழைவதன் மூலம் நீங்கள் பயன்படுத்தும் இரு வேறு இணையத்தினூடான சேவைகளை ஒன்றிணைத்து பயன்களை பெற்றுக்கொள்ள முடியும். மேலும் இணையத்தினூடான சேவை என்பதற்கும் அப்பாற்பட்டு SMS, Phone Call, Android Notification போன்றவைகளையும் இது ஆதரிக்கின்றது.

உதாரணத்திற்கு உங்களுக்கு வரும் மின்னஞ்சல்கள் அனைத்தையுமோ அல்லது குறிப்பிட்ட ஒரு முகவரியில் இருந்து வரும் ஒரு மின்னஞ்சலை மாத்திரமோ உங்கள்தொ லைபேசிக்கு SMS ஆக பெற்றுக்கொள்ள முடியும். இவ்வாறு தொடரும் இதன் மிகநீண்ட பட்டியலானது ஒவ்வொரு தனிநபருக்கும், நிறுவனத்திற்கும் மிகவும் பயனளிக்கக் கூடிய ஒன்றாக இருந்து வருகின்றது.

இந்த தளத்தில் உபயோகிக்கப்படும் மிகமுக்கியமான சொற்கள்.

♦Channels: 

இது IFTTT தளம் ஆதரவு அளிக்கக்கூடிய வெவ்வேறுபட்ட இணைய சேவைகளையும் ஏனைய சேவைகளையும் குறிக்கும். தற்போதைக்கு இது 100 க்கும் மேற்பட்ட சேவைகளை (Channels) ஆதரிக்கின்றது.

உதாரணத்திற்கு : Google Drive, Facebook, SMS, Yahoo போன்றன.

♦Triggers: 

இது மேற்கூறப்பட்ட ஒவ்வொரு Channel களிலும் ஏற்படக்கூடிய மாற்றமாகும் உதாரணத்திற்கு உங்கள் மின்னஞ்சல் முகவரிக்கு மின்னஞ்சல் ஒன்று வருதல்.

♦Action: 

Triggers எனும் ஒரு செயற்பாடு இடம்பெறும் போது எந்த செயற்பாட்டை செய்ய வேண்டும் என்பது Action ஆகும்.

♦Ingredients: 

இது Trigger இன் ஒரு பகுதியை குறிக்கும் அதாவது உங்களுக்கு வரும் மின்னஞ்சலின் தலைப்பு,உள்ளடக்கம், முகவரி போன்றவைகளாகும்.

♦Recipes:

 IFTTT ஆதரிக்கும் இருவேறு சேவைகளுக்கு இடையிலான தொடர்பினை ஏற்படுத்தும் முழுமையான செயற்பாடும் Recipes என்பதாகும். இதன் சேவையை பயன்படுத்துகையில் மேற் குறிப்பிட்ட சொற்களை அறிந்திருத்தல் அவசியம்.

கணனி முன் அமர்ந்து பல மணி நேரங்களாக நீங்கள் செய்ய வேண்டிய ஒரு செயற்பாட்டினை ஒரு சிலம ிடங்களிலேயே இந்த தளம் உங்களுக்காக நிறைவேற்றித் தருகின்றது. அதிலும் முற்றிலும் இலவசமாக என்பதுடன் நாம் இணையத்தின் மூலம் நிறைவேற்றிக்கொ ள்ளக்கூடிய வெவ்வேறுபட்ட 1000 இற்கும் மேற்பட்ட பயன்களை பெற்றுக்கொள்ள முடியும்.

♥கீழுள்ள இணைப்பிணை அழுத்தி தளத்தில் உங்கள் கணக்கொன்றை ஆரம்பித்துக் கொள்ளுங்கள்

இணைப்பு :

♥ Android பாவனையாளர்கள் கீழுள்ள இணைப்பில் தரவிறக்கம் செய்யுங்கள்

♥ Apple பாவணையாளர்கள் கீழுள்ள இணைப்பில் தரவிறக்கம் செய்யுங்கள்

சிந்திக்க ஓர் சித்திரம் [ 40 ]

You Dress but, you haven't soul
I have soul but , I haven't a dress

சினத்தை அடக்கினால் சிகரமாய் உயர்வாய்

அத்தனை செயலுக்கும்
முட்டுக்கட்டை
அறிந்தே பிறந்திடும்
சினமடா
அடியோடு அதனை
நீக்கிடவே
அருந்தவம் புரிந்திட
வேண்டுமடா


சினமது நெஞ்சினில்
இருந்திட்டால்
சிதைந்து போகும்
வாழ்க்கையடா
சிறுக சிறுக மனதிற்குள்
சிரமமின்றி துயரம்
நுழையுமடா



மலர்போல் மலர்ந்த
முகமுமே
மரித்தவர் முகம்போல்
தெரியுமடா
மனதினில் வெறுப்பு
முட்புதராய்
மண்டி உன்னை
அழிக்குமடா

ஒருகணம் யோசித்துப்
பார்த்திட்டால்
ஓட்டம் எடுக்கும்
சினமடா
ஓசை இன்றி அன்புமே
ஓடி வந்து
ஒட்டிக்கொள்ளுமடா.



ஆணவத்தை அகத்தினில்
அடக்கிவிட்டால்
ஆதவன் போல் முகம்
ஒளிருமடா
ஆக்கம் தேடியே வந்து சேர்ந்து
ஆகாயம் போல்
மனம் விரியுமடா.

மனசை மலராய்
மாற்றியே
மணம்வீசி புகழைப்
பரப்படா
மறந்தும் சினத்திற்கு
இடம்தராது
மனதினில் நிம்மதி
பெற்றிடடா



சினத்தை மனதினில்
அடக்கிவிட்டால்
சிகரமாய் வாழ்வு
உயருமடா
சிந்தித்துப் பார்த்து
நடையிட்டே
சிரமேற்கொண்டு நீ
செயல்படடா.

அறிவுக்கு அங்குசம்
போட்டிடடா
அடக்கத்தோடு என்றும்
இருந்திடடா
அயராது முயற்சிகள்
செய்திடடா
அடுத்தவருக்கு உதவி
வாழ்ந்திடடா.



சினமும் தன் சுவடை
இழக்குமடா
சிந்தையில் மகிழ்ச்சி
பிறக்குமடா
சிகரம் தொட்டிட
எழுந்திடடா
சிரஞ்சீவியாய் உலகில் 

வாழ்ந்திடடா.


♥{ இ.இலாசர் - வேளாங்கண்ணி }♥

உங்கள் ஸ்மார்ட் போனில் புதிய எழுத்துருக்களை ( Fonts ) பயன்படுத்துவது எப்படி?

Android இயங்குதளத்தின் வருகையின் பின் Samsung ஸ்மார்ட் போன்களும் மக்கள் மத்தியில் அதிகம் பழக்கத்துக்கு வந்துள்ளது. அந்தவகையில் நீங்களும் Samsung ஸ்மார்ட் போன் பயன்படுத்துபவரா?

அப்படியாயின் , அதில் நாம் வழமையாக பார்க்கக்கூடிய எழுத்துருவை ( Font ) மாற்றி புதிய எழுத்துருக்களை நிறுவி பயன்படுத்திக் கொள்ளவும் முடியும். Samsung ஸ்மார்ட் போன்களில் அழகிய எழுத்துருக்களை நிறுவிக் கொள்ள உதவுகிறது HiFont எனும் Android ஸ்மார்ட் போன்களுக்கான செயலி

நாம் கீழே வழங்கியிருக்கும் இணைப்பின் மூலம் இதனை இலவசமாகவே உங்கள் ஸ்மார்ட் போனுக்கு தரவிறக்கிக் நிறுவிக் கொள்ள முடியும்.

பின்னர் இந்த செயலியை திறந்தால் பல அழகிய எழுத்துருக்கள் ( Fonts ) இதில் பட்டியல்படுத்தப்படும். அவைகள் Fashion, Handwriting, All Caps, Typewriter என ஏராளமான பிரிவுகளின் கீழ் வகைப்படுத்தப்பட்டு தரப்பட்டுள்ளதுடன் பல வர்ண எழுத்துருக்களும் இதில் தரப்பட்டுள்ளன.

அவற்றுள் உங்களுக்கு பிடித்த எழுத்துருவை தெரிவு செய்து Download என்பதை அழுத்த வேண்டும். குறிப்பிட்ட எழுத்து தரவிறக்கப்பட்டதன் பின்னர் தோன்றும் USE என்பதை அழுத்துவதன் மூலம் குறிப்பிட்ட எழுத்துருவை உங்கள் ஸ்மார்ட் போனில் நிறுவிக்கொள்ள முடியும்.

*நிறுவும் போது Install Blocked எனும் பிழைச்செய்தி தோன்றினால் Setting - Security எனும் பகுதியில் தரப்பட்டிருக்கும் Unknown Sources என்பதில் Tick செய்து கொள்க.

 இறுதியாக Settings - Display - Font எனும் பகுதியின் ஊடாக நீங்கள் நிறுவிய எழுத்துருவை தெரிவு செய்து பயன்படுத்திக் கொள்ளலாம்.

நிலை அறிந்து பேசு

ஒரு செல்வந்த முதலாளியின் வீட்டில் ஒருவர் காவலாளியாக வேலை பார்த்து வந்தார். முதலாளி தினமும் வீட்டுக்கு வரும் போது ஓடோடிச் சென்று வீதிக்கதவை திறந்து அவருக்கு வணக்கம் சொல்வது அவனது வழக்கம். ஆனாலும் ஒரு நாளேனும் அந்த முதலாளி பதில் கூறியதும் கிடையாது; காவலாளி முகத்தை ஏறெடுத்து பார்ப்பதும் கிடையாது.

ஒரு நாள் பசியோடிருந்த அந்தக் காவலாளி வீட்டுக்கு வெளியே உள்ள குப்பத்தொட்டியில் வீசப்பட்ட உணவுகள் ஏதும் இருந்தால் எடுத்து சாப்பிடுவோம் என குப்பத்தொட்டியை கிளரும் போது முதலாளி அதனைக் கண்டார். ஆனாலும் வழக்கம் போல எதையுமே கண்டுகொள்ளாமல் சென்றுவிட்டார்.

அடுத்த நாள் அதே இடத்தில் காவலாளி உணவைத் தேடும் போது புதிதாக தயாரிக்கப்பட்ட சுத்தமான உணவுகள் ஒரு பையினுள் காணப்பட்டது. காவலாளி சந்தோஷத்தில் எங்கிருந்து வந்தது என்றெல்லாம் பார்க்காமல் எடுத்துச் சென்றான்.

இவ்வாறே தினமும் அதே இடத்தில் ஒரு பையிருக்கும், அந்த பை நிறைய உணவுப்பொருட்கள் இருக்கும். அவனும் அதை தவறாமல் எடுத்து தன் மனைவி, குழந்தைகளுக்கு கொடுத்து வந்தான். இருந்தாலும் எந்த முட்டாள் இப்படி தினமும் பொருட்களை வாங்கி இங்கே விட்டுச் செல்கிறான் என மனதுக்குள் ஒரு நகைப்புடன் கூடிய கேள்வியும் வேற.

திடிரென ஒரு நாள் முதலாளி இறந்துவிட்டார். வீடு நிறைய முதலாளியின் உறவினர்களும், நண்பர்களும் வந்தனர். அன்று அதே இடத்தில் உணவுப்பொதியை தேடினான். உணவு இருக்கவில்லை. ஒரு வேளை பார்க்க வந்தவர் யாரேனும் எடுத்திருக்க முடியும் என நினைத்து விட்டுவிட்டான். இரண்டாம் நாள் பார்க்கிறான், அந்த இடத்தில் உணவுப்பை இல்லை; மூன்றாம் நாள், நான்காம் நாள் என பார்க்கிறான். உணவுப்பை இருக்கவில்லை.

இப்படியே சென்றதால் அந்தக் காவலாளிக்கு தன் குடும்பத்துக்கு உணவளிக்க பெரும் சிரமமாய் போயிற்று. உடனே தனது முதலாளியம்மாவிடம் போய் சம்பளத்தை உயர்த்தவும் இல்லையாயின் வேலையை விட்டு விடுவதாகவும் கூறினான். அதற்கு முதலாளியம்மா மறுத்துவிட்டார்.

வேறு வழியில்லாமல் வீதியோரம் எடுக்கும் உணவுப்பை கதையையும், அது இல்லாததால் தன் குடும்பம் படும் அவஸ்தையையும் சொன்னான். உடனே முதலாளியம்மா கேட்டார்; எப்போதிலிருந்து உணவுப் பை இல்லாமல் போனதென்று. அதற்கு அவனும் முதலாளி இறந்த நாளிலிருந்து என சொன்னதும், முதலாளியம்மா 'ஓ' என அழத்தொடங்கினார். இதனைப் பார்த்து கவலையடைந்த காவலாளி சம்பள உயர்வு வேண்டாம், நான் இங்கேயே வேலை செய்கிறேன், அழுவதை நிறுத்துங்கள் என கூறினான்..

அதற்கு முதலாளியம்மா, நான் அதற்கு அழவில்லை. என் கணவர் தினமும் ஏழு பேருக்கு உணவளித்து வந்தார். அதில் ஆறு பேரை ஏற்கனவே இனம் கண்டுவிட்டேன். ஏழாம் நபரைத்தான் இத்தனை நாளாய் தேடிக்கொண்டிருந்தேன். ஏழாவது நபர் நீதான் என தெரிந்து கொண்டதும் சந்தோஷத்தில் அழுகிறேன் என்றாள்.

நான் தினமும் தவறாமல் வணக்கம் சொல்லியும் ஏறெடுத்தும் கூட பார்க்காத நம்ம முதலாளியா இப்படி நமக்கு உணவு தந்தார் என நம்பியும் நம்பாமலும் யோசித்தபடியே அவன் சென்றான்.

அடுத்த நாளிலிருந்து முதலாளியின் மகன் தினமும் காவலாளியின் வீடு தேடி வந்து உணவுப்பையை காவலாளியின் கையிலே கொடுத்துச் சென்றான். காவலாளி நன்றி சொல்லியும் முதலாளி மகன் அதற்கு பதில் சொல்லாமலே செல்வான், அவனது தந்தையைப் போல.

ஒரு நாள் இப்படித்தான் முதலாளியின் மகன் வீடு தேடிவந்து கையில் உணவுப்பையை கொடுக்கும் போது வழக்கம் போல நன்றி சொன்னான் காவலாளி. அதற்கு அங்கிருந்து எந்த பதிலும் இல்லை.

பொறுமையை இழந்த காவலாளி மிகவும் உரத்த குரலில் நன்றி சொன்னான். திரும்பிப்பார்த்த அந்த சிறுவன் "எனக்கும் என் தந்தையைப் போல் காது இரண்டும் கேட்காது" என்று சொல்லிவிட்டு திரும்பிப் போனான்.

நாமும் இவ்வாறு தான் அடுத்தவரது நிலைமைகள் புரியாது பார்த்த மாத்திரத்திலே அவர்களை தவறாக முடிவெடுத்துவிடுகிறோம். அடுத்தவரது

நடவடிகைகளுக்கு பின்னால் ஒளிந்துள்ள உண்மைத்தன்மையை அறியாமல்.

இந்தக் கதையிலிருந்து இரண்டு விடயங்களை எடுத்துக்கொள்ளலாம்;

01. எதையும், யாரையும் பார்த்த மாத்திரத்திலே நம்பி முடிவெடுக்கக் கூடாது.

02. நாம் சந்திக்கும் ஒவ்வொரு மனிதர்களும் வெவ்வேறு விதமான போராட்டக் களத்திலே வாழ்ந்து கொண்டிருக்கிறார்கள்.

♥{ அஸீஸ் }♥

உங்கள் கணனிகளை தானாக Shutdown செய்வதற்கான இலகுவழி இதுதான்

கணணிகளை அல்லது மடிக் கனணிகளை இரவு நேரங்களில் உபயோகிக்கும் போது எம்மை அறியாமலேயே எமக்கு தூக்கம் வந்து விடலாம். அல்லது நாம் ஏதேனும் குறிப்பிட்ட ஒரு File ஐ கணனியில் தரவிறக்க கணணியை ஆரம்பித்து அப்படியே ON ல் வைத்து விட்டு தூங்கி விடுவோம். 

இவ்வாறான சந்தர்ப்பங்களில் கணனிக்கான மின்சாரம் தேவையில்லாமல் வீணடிக்கப்பட்டுக்கொண்டு இருக்கும். ஆகவே இவ்வாறன சூழ்நிலைகளதடுக்க எமது கணணி குறிப்பிட்ட ஒரு நேரத்தின் பின் , தானாக OFF ஆகும் படி செய்து கொள்ள முடியும்.

 விண்டோஸ் கணணிகளை குறிப்பிட்ட ஒரு நேரத்தில் தானாக OFF ஆகும் படி செய்வது எப்படி என்று பார்ப்போம். 

இந்த மாதிரியான ஒரு SETTING ஐ எமது கணனியில் செயட்படுத்துவதால் , நாம் எமது கணனிக்கு அருகில் இல்லாத சந்தர்ப்பமொன்றில் கூட கணணி தானாக OFF ஆகி விடும். எமது இந்த தேவைய பூர்த்தி செய்யும்படியான சிறிய மென்பொருளை நீங்களே இலகுவாக கணனியில் காணப்படும் Notepad மூலம் உருவாக்கிக் கொள்ள முடியும். 

 உங்களது கணனியில் search box ல் Notepad என டைப் செய்து அதை OPEN செய்து அதிலே கீழே குறிப்பிடப்பட்டிருக்கும் வாசகத்தை COPY செய்து PASTE செய்யுங்கள். 

 shutdown -s -t 60 

மேலே 60 என்று காட்டப்பட்டிருப்பது  ,  செக்கன்கள் ஆகும். அதாவது உங்களது கணணி 60 செக்கன்களின் பின்னர் OFF ஆகும் விதத்தில் SETTING செய்யப்பட்டுள்ளது என்று அர்த்தம். இதை நீங்கள் உங்களது தேவைக்கு ஏற்றாற்  போல மாற்றி கொள்ள முடியும். 

உதாரணமாக உங்களது கணணி 2 மணித்தியாலங்களின் பின்னர் , தானாக OFF ஆக வேண்டும் என்றால் 60 என்பதை 7200 என்று மாற்றுங்கள். 

shutdown -s -t 7200 

இதன் பின்னர், இந்த File ஐ உங்களது கணனியில் offtime.bat என்ற பெயரில் சேமித்து கொள்ளுங்கள். சேமிக்கும் போது  file type எனும் இடத்தில் All types என்பதை கட்டாயம் தெரிவு செய்யுங்கள்.

இப்போது உங்களது கணனியில் இந்த offtime.bat  என்ற File  ஐ Double Click செய்வதன் மூலம் ஆரம்பியுங்கள். அவ்வளவு தான். இப்போது நீங்கள் Notepad ல் வழங்கிய நேரத்தின் படி குறிப்பிட்ட நேரத்தின் பின்னர் உங்களது கணணி தானாக OFF ஆகி விடும். 

 ஆகவே இந்த முறையை பயன்படுத்தி உங்களது விண்டோஸ் கணனிகளை இலகுவாக தானாக OFF ஆகும்படி செய்து கொள்ள முடியும்.

If You Enjoyed This Post Please Take 5 Seconds To Share It.

Share

ரொட்டியை எப்படி சாப்பிட வேண்டும்?

வகுப்பறைக்கு வந்த ஆசிரியர் மாணவர்களிடம் ஒரு கேள்வி கேட்டார்.

"ரொட்டியை எப்படிச் சாப்பிட்டால் மிகவும் சுவையாக இருக்கும்?''

""வெண்ணெய் தடவிச் சாப்பிட்டால் சுவையாக இருக்கும்'' என்றான், ஒரு மாணவன்.

"ஜாம் தடவிச் சாப்பிட்டால் மிகவும் சுவையாக இருக்கும்'' என்றான், இன்னொரு மாணவன்.

"பாலுடன் சாப்பிட்டால் நன்றாக இருக்கும்''

"தேனுடன் சாப்பிட்டால் நன்றாக இருக்கும்''

"பஞ்சாமிர்தத்தோடு சாப்பிட்டால் நன்றாக இருக்கும்'' என பலரும் பல கருத்துகளைச் சொன்னார்கள்.

இறுதியாக ஒரு மாணவன் எழுந்து,

"ரொட்டியை மற்றவருடன் பகிர்ந்து கொண்டு சாப்பிட்டால்தான் மிகவும் சுவையாக இருக்கும்'' என்று கூறினான்.

ஆசிரியர் மிகவும் மகிழ்ந்து போய் அந்த மாணவனைப் பாராட்டினார்.

மனிதநேயம் நேயம் மட்டுமே மனிதனை மனிதனாக வாழவைக்கும்

 ஆகாரத்தை மட்டுமல்ல அன்பையும் , அறிவையும் அடுத்தவர்களுடன் பகிர்ந்துகொள்ளுங்கள்

♥{ Mohammed Siraj }♥

If You Enjoyed This Post Please Take 5 Seconds To Share It.

Share

புள்ளி மான்கள்

கள்ளிச் செடிகளற்ற
கடற்கரையோரம்
அள்ளி வீசும்
மணல் விரிப்பில்
பள்ளி கொண்டுள்ள
புள்ளி மான்கள்
துள்ளி விளையாடும்
அழகை நான்
தள்ளி நின்று
அள்ளிப் பருகினேன் -மர
வள்ளிக் கிழங்கு
உண்டபடியே
அதில் கொஞ்சம்
கிள்ளி எறிகின்றேன்
உங்களுக்காக.....®

அதி கூடிய கொள்ளளவுடைய microSD card வெளிவந்துவிட்டது

இன்றைய தொழில்நுட்ப உலகின் மிக வேகமான வளர்ச்சி காரணமாக அன்றாடம் பல புதுமைகள் புகுத்தப்பட்ட புதுப்புது சாதனங்கள் உலகுக்கு அறிமுகப்படுத்தப்பட்ட வண்ணமே உள்ளது.



அந்த வகையில் BARCELONA நகரில் இடம்பெற்ற MOBILE WORLD CONGRESS நிகழ்வில் 200GB கொள்ளளவு கொண்ட MicroSD card நினைவகத்தை அறிமுகப்படுத்தி இருந்தது SanDisk நிறுவனம்.

தற்பொழுது இதனை Amazon மற்றும் ebay தளத்தின் ஊடாக கொள்வனவு செய்ய முடியும்.
தற்போதைக்கு உலகின் அதிக கொள்ளளவைக் கொண்ட MicroSD சாதனம் இதுவாகும். இந்த MicroSD நினைவகத்தில் 20 மணித்தியாலங்களுக்கு இயங்கக்கூடிய Full HD வீடியோ கோப்புக்களை சேமித்து வைக்க முடியும். மிக வேகமாக தரவுகளை பரிமாறும் திறன் கொண்ட இதன் வேகம் ஒரு செக்கனுக்கு 90 Mb ஆகும்.



அதாவது ஒரு நிமிடத்தினுள் ஏறத்தாள 1200 புகைப்படங்களை (Photos )பரிமாற்ற முடியும். நீர், வெப்பம், அதிர்ச்சி, X-கதிர், மற்றும் காந்த ஈர்ப்புச் சக்தி போன்றவற்றால் பாதிக்கப்படாத வகையில் உருவாக்கப்பட்டுள்ள இது Class 10 எனும் சிறந்த தரத்தில் அமைந்ததாகும்.

Amazon தளத்தில் விற்பனைக்கு விடப்பட்டுள்ள இதன் விலை 239 அமெரிக்க டொலர்கள்ஆகும். இது இலங்கை ரூபாய்களில் கிட்டத்தட்ட 15200 வரை விலை குறிக்கப்பட்டுள்ளது.



இனியென்ன ஸ்மார்ட் கைப்பேசிகளில் memory பிரச்சனைக்கு இடம் கொடுக்க முடியுமா?

♥ இது போன்ற சுவாரஸ்யமான தகவல்களை முகநூலில் பெற்றுக் கொள்ள எமது Ariwaham அறிவகம் பக்கத்தை Like செய்யுங்கள்