உலகை நம்பாதே உன்னை நம்பு

நீ பழக்கத்தின்
கைதியாய் மாறிவிடாதே
உன் சிந்தனையில்
எப்போதும்
மாற்றத்தை விரும்பு
அவ்வாறே உன் அன்றாட
கண்ணோட்டத்தையும் மாற்றிக்கொள்

இது தான்
புதுமை படைப்பின்
அடி நாதம்
சமூகம் உன்னைச்
சுற்றி வட்டம் போடும்
வளைந்து விடாதே
சில கட்டிடம் கட்டி
அதைத்தான் உலகம்
என்று மொத்தமாய்
சேர்ந்து பேசும்
எண்ணிக்கையில்
ஏமாந்து விடாதே

தொட்டதெற்கெல்லாம்
முடிவு சொல்லும்
கண்ணை மூடி
வாழ்ந்து விடாதே
ஏன்?, எதற்கு? ,
எப்படி? என்பதைக்
கேட்க மட்டும்
மறந்து விடாதே

உன் முன்னேற்றம்
கண்டு சில
தடுமாற்றம் வரலாம்
கண்டுகொள்ளாதே
உன் பயணத்தில்
சிலர் தடை கற்கள்
இடலாம்
நின்று விடாதே


உன் விட்டம் கண்டு
பலர் பட்டம்
சூட்டலாம்,
சிலர் மட்டம் தட்டலாம்
இன்னும் சிலர்
திட்டம் தீட்டலாம்
தளர்ந்து விடாதே

உன் பாதையை
நீயே தெரிவு செய்
அதில் பயணிப்பது
நீ மட்டுமே
அவர்கள் அல்ல
பலரிடம்
ஆலோசனை கேள்!
ஆனால்
முடிவு உன்னுடையதாகவே
இருக்கட்டும்


நீ நடக்கும் பாதையில்
மலர்களை எதிர்பார்,
அதற்காக ஒரு
முள் கூட இருக்காது
என நினைத்திடாதே

நேராக செல்லும்
உன் பாதையில்
பிரிவுகள் வரலாம்,
பள்ளங்கள் வரலாம்
வளைவுகள் வரலாம்
பயணம் மட்டும்
இலக்கை நோக்கியே
அதில் மட்டும்
தொய்வு வராமல்
பார்த்துக்கொள்


உன் மேல்
நம்பிக்கை வை
துணைக்கு இறைவனை
மட்டுமே
அழைத்துக் கொள்
மூன்றாம் நபர்
சோற்றுக்கு உப்பாய்
இருக்கட்டும்
இடையில் உடைந்தாலும்
உன் பயணம்
தொடரட்டும்

♥{ Amlan Mohamed }♥

If You Enjoyed This Post Please Take 5 Seconds To Share It.

Share